🛒 خدع السوبر ماركت: كيف تُستنزف أموالك وأنت تظن أنك ذكي؟
هل سبق وشعرت أنك خرجت من السوبر ماركت بدفع أكثر مما خططت له؟
أنت لست وحدك. بل إن السوبر ماركت قد خطط لذلك فعلًا… من لحظة دخولك وحتى دفعك في الكاشير.
المتاجر الكبرى لا تترك شيئًا للصدفة. كل شيء مدروس:
من ترتيب الرفوف إلى الإضاءة، من رائحة الخبز الطازج إلى صوت الموسيقى الهادئة.
الهدف: أن تشتري… وتشتري أكثر مما تحتاج.
في هذا المقال نكشف لك بعض الحيل الذكية والخدع النفسية التي تستخدمها المتاجر لتستنزف أموالك وأنت تبتسم!
أول ما تدخل السوبر ماركت، هتلاقي منطقة غالبًا مش مرتبة بنفس منطق باقي المكان. ده مقصود!
الهدف هو “كسر نمط” تفكيرك، وجعلك تتوقف عن التخطيط وتبدأ في الاستكشاف العشوائي.
كأنك بتدخل عالم جديد، مفتوح ومليء بالمفاجآت وبالمصروفات غير المتوقعة.
رغم إنها مش الحاجة اللي معظم الناس جاية تشتريها، إلا إن السوبر ماركت بيحطها في أول الممرات. ليه؟
لأن ألوانها الزاهية وشكلها الطازج بيبعث إحساس بالنشاط والصحة.
ده بيخليك تحس إنك “عميل واعي وذكي”،
وبالتالي .. تفتح نفسك لشراء سلع غير صحية بعدها بدون تأنيب ضمير!
رائحة الخبز الطازج واحدة من أقوى المحفزات النفسية.
كثير من المتاجر بتخبز الخبز في نفس المكان أو بتطلق رائحته صناعيًا
بس علشان تعطيك إحساس بالدفء والأمان والجوع في نفس الوقت.
وهكذا، بدل ما تشتري رغيفين .. تشتري أربعة، ومعاهم شوية معجنات ماكانوش في الحسبان.
لاحظ دايمًا: اللبن، البيض، الزيت، السكر… كلهم في الآخر! .. ليه؟
لأنك وانت رايح لهم هتمر على كل المغريات: الحلويات، الوجبات الجاهزة، الألعاب، العروض.
رحلة طويلة مليئة بالفُرص لإنفاق غير مخطط.
أغلى المنتجات دايمًا بتحط في مستوى عينك بالضبط، خصوصًا لو كنت شخص بالغ.
أما المنتجات الأرخص، فهتلاقيها فوق أو تحت.
وعند الأطفال؟ تلاقي الشوكولاتة والسكاكر والمغريات عند مستواهم مباشرة
عشان يعرفوا يزنوا .. على أهلهم بسهولة!
مين فينا ما انبهرش بعرض زي ده؟
بس الحقيقة إنك أحيانًا بتدفع أكتر من سعر المنتج الواحد، أو بتشتري حاجة ماكنتش محتاجها أصلاً.
كل اللي حصل إنك خضعت لفكرة .. الفرصة التي لا تُعوض .. رغم إنها متكررة جدًا!
أبحاث كتير أثبتت إن تشغيل موسيقى بطيئة في الخلفية بيبطئ حركتك داخل المتجر.
وكل ما بطّأت، كل ما زادت احتمالية إنك تشتري أكتر.
الموسيقى دي مش صدفة .. ده علم اسمه “Neuromarketing” أو التسويق العصبي.
وإنت بتستنى دورك، تحس بالملل… وهنا تلاقي قدامك:
شوكولاتة – لبان – مشروبات – ألعاب صغيرة – ولاعة أو بطاريات
كلها حاجات بتشتريها في لحظة ضعف أو ملل .. وبتسمى “مشتريات اندفاعية”.
جهّز قائمة مشتريات واضحة قبل ما تروح.
امشي بسرعة وبدون توقف في الأقسام غير المهمة.
تجاهل العروض اللي ما كنتش ناوي تشتريها من الأساس.
استخدم سلة صغيرة بدل عربة لو المشتريات قليلة.